(3. Bubenklasse (1929) mit Birli-Lehrerin)

 

Vun unsre Schulzeit in Batsch

(1928 - 1937)

(Verzehlt von dr Holzschuh Kadi, geb. Manz

 

Ach Gott, ihr Leit, heint waas ich garnit wie in wu ich anfange soll, ich maan grad mit dr Spielschul,

 Ovoda hemr a gsakt, des war im Kloschtr bei dr Nunne. Mir hen die Schweschtr Celinia ghat, to isch

alles schokatzisch ganga. Wen sie nei kumme isch, simr aufgstande un hen laut "Hvaljen Isus, Ijubim ruku"

gsakt, no hemr noch schokatzisch bete misse, was, waas ich nimmi. No isch´s los gange. Uff anre Seit war

a großes Bild ghenkt mit amma Baurehof und viel Viechr, un so hemr schokatzisch glernt. Die Jeleknéni hot

a langer Spanischr Stecke khat, un mit dem hot sie dr ganzi Hof abtupft un gfrogt "sta je to?" (was isch des?)

un mir hen sage misse:

Krava je die Kuh, Zipela der Schuh,

Pero je die Feder, Koza je das Leder,

Kuca je das Haus, Mis je die Maus.

No isch´s weidr gange:

To su Konje, Svinje, Guske, Patke, Pilice i Kvocka, Kokoske i Kokos "tr Kulr"´,

Macka i Macak "tr Katzerollr", i Pas "dr Hund", dem hemr a Verschl sage misse:

Verna Pseto laje laje,

a lajati neprestaje,

dono sam ti krasna

kobasica masna.

Mir hen a großr Schulhof ghat, to hemr scheen spiele kenne.

Mir hen Kranz gspielt (Kolo) un viel gsunge:

Strina Rodo kud se seces, zasto tako zgodno,

Glavu vrat podignes, klepe,klepe, klepeces,

po Bari se seces, skocte, skocte, skotce svi,

a to Rodo poleti, jednu Zabu uvatis.

Ich maan ich hät a Krampambuli trinke solle, no kent ich besr singe.

Kad se zigan zazeli medeni kolaca,

on posalje ziganku u selo da vraca,

grmi, seva, vreme se menja,

a ziganka varosanka jos ni sela nema.

Sundags ware mr scheen aazoge un scheen kamblt, taal hen a Bubikopf khatt mit Stutzle varne,

taal hen Zepf khatt, Razewedle hemr als gsakt. Scheeni Kladle, weisi Strimpf un a "Ridikil", ach,

ware mir no strazich.

Unsr Buwe ware awr a scheen azoge, die hen scheeni Halbschieli akhat, scheeni Strimpf un a kurzi

Hoos, so bis iwrt Knie, a scheenes Hemm un a Reckl, un die Haar gschadlt, oo die wahre aa stolz.

No simr in´t Schul kumme zu dr Schweschtr Tarsilla, to war mr in der erschte und zwate Klass,

to ware mr brav. To war no alles deitsch, mir henn die altdeitsche Buchstawe glernt. Bei dr

Nunne hemr schun viel glernt un alles deitsch. Ufm Haamweg simr paarweis gloffe un a Owachtgewr

newe heer. Mir hen dr Leit a scheen griße misse,

dr Deitsche: "Gelobt sei Jesus Christus",

dr Schokaze: "Hvaljen Isus ljubim ruku",

dr Ungare: "Dicser tesek a Jezus Krisztus".

So scheen simr ner bis zus Gawrele gloffe, no sin wiedr a paar weggange. No simr grennt, to sin die

Zepf gfloge. Iwrhabt wemr graaft hen, des isch als aa fahrkumme, no sind Tanischtr un´d Fedrbigsle

aa int raj kumme.

In dr 3. un 4. Klass war mr beim Lehrer Kesejic, ja des war a Elend, der hot nit gut deitsch kenne.

In dr 3. Klass hemr latainischi Buchstawe glernt un in dr 4. Klass cirilischi drzu.

Alles angfange un niks fertich gmacht. In dr Gschichtstund hodr uns fun dr razische Keniche

un Helde frzelt, vum Kraljevic Polje un wie " die Soldaten geschiesen hen" mir hen glacht, awr glernt

hemr nit viel. Er isch alweil mit´m Spanische Rahr rumgloffe un aa Wart, no hosch schun ani um Kopf khat odr

a Kajsija, des hodr gut kenne. Iwrhapt die in dr Eslsbank, des war die leschte Bank hinde, die hen oft grigt,

des wahre die schlimme Buwe.

Wenn dr Lehrer gut ufglegt war uns Wettr scheen, hemr öftr in die Feschtung derfe, no hodr gsakt:

"Kinder die Sonne scheint, heute gehen wir in die Zidina". Im Jahr a paarmol hemr a in Antoniwald derfe,

to wars scheen draus, to simr ja sooo mied gwest oweds wimr haam kumme sind.

To falt mr noch a Gschicht ei vum Schulhof. Der war ziemlich groß, die Heisle ware so uf dr Seit, un hinde

draa die Grub mit Brettr zuglegt. Dr Drach Sepp, a Schulkumrad fun uns, der hot uns was gsegirt un

an dr Zepf zoge. Amol isch´s uns z´dum wahre, no simrm nogrennt, deer um die Heisle rum iwr die

Grub, ufamol macht´s krrr un dr Sepp pamblt in dr Prie bis an die Knechle. Der hot sich grad noch mit´r

Elleboge abgfange. Ach, war des a Gschraj! Wie´r rauskumme isch, was ich nimmi, wie´r haus war, hotr

rumgschlengert, das mr alli was drfuh ghatt hen. No isch dr Lehrer kumme, der hot uns gstaabt. Dr Sepp hodr zum

Artesibrunne gjagt, sich wäsche un nikswi haam.

In dr 5. un 6. Klass hemr a deitschr Lehrer grigt, a jungr Mann, dr Milla Franz. To wars noo bessr. Der hot gern

noch dr Freindinne gschaat un hot´s Fenschtr allweil im Visir ghat. In dere Zeit hemr aa Bizikl fahre glernt, des

war luschtig. Die linke Hand am Korman, die rechte an dr Stang, dr rechti Fuß unde durich un trete. Traa ghenkt simr

wie Äffle. Die Elleboge un die Knie ware eftr bludich, soo simr als higfloge. Ja, un die Hund, des war a Lebtag!

´S isch allweil an wu im Terli gsesse un hot uns abpast un belt wie frruckt, newe heer grent dast allweil denkt hosch:

"jez hodr dich, jez hodr dich!"

Un hungrich ware mr als Namitags var laudr rum jachte. No hodmer allweil a range Brot so hinde rum gschnitte grigt

mit viel Kruscht, no Peckmes, Zuckr, Hunich, Rahm odr Atich druf, wemr a schwarzi Zähn grigt hen, des hot uns

nit gstert, to war noch meh schwarz, nit ner die Zähn. Odr Schneidr Käs, ´s Brot ins Wasser tunkt, Salz un Paprich druf,

des war gut. Un die Maulbeere ware so gut, schwarzi un weißi hots gewe, to hemr oft undr dr Bääm gsesse un hen

 gesse, un Milone un Buksendl auszuzlt. To hot´s soviel Sach gewe far uns Kindr, Schleche, im Wald Holzbiere und

 Holzäpfl, hot mr int Frucht gsteckt bis sie wajch ware un Weigsl, des hot am dr Hindr zam zoge, so sauer ware die.

Die Gäns hen a so gern Maulbeere gfresse. Wenn die stark zeidich ware, no sin die als psofe ware, das sie ganz turgelt

sin. Un dr Gonasr, der war als bees, der isch aam nogrent, wemr nit owacht gewe hot, hodr am zwickt.

Unsr Gänshiedr war dr Brucavetr, der hot um Marikplatz iwr dr Mostungbruck gwont, der hot nit gut gseene. Er hot a

starges Aageklas ufkhat un hot alweil uf dr Himml schaat un mim Tschinagl in dr Mostung rum gfahre. Mir hen´n gern gsegiert.

Die Buwe hen sich uf dr Mostungsbruck frgnigt mit dr Blutzuckle. Die hen sie maltretiert un´t Krote ufblose mit anr Egl.

Laudr so Sach isch dene eigfalle, odr pezajt, no hen si so klani Kareisle gfange un in a Schnur gfedlt. Mei Brudr, dr

 Stefi, hot sie ufm Fahrweg zooge bis haam, no were die Ende sie grigt hawe.

Dr Bäretreiwr mit am Tanzbaär un an mitm Äffl sin als im Summr kumme. Dr Bär war groß, alt un zottlich. Im Windr

sind Kindr uf dr Mostung Krocula gfaare. Des waare Bretle mit zwaa Drot uf dr undre Seit, owe umgschlage, fescht

gmacht, Riimle zum neischlupfe, a Stecke mit am Nagl unde draa, un dan gib ihm! S´hot aa schun Schlittschuh

gewe die letschte Zeit. Manchmol sin sie aa eibroche, dr Schlide hen sie aa drbei ghat. Die sin jo pal agfraare, des war so

kalt, daß die Naas zugfraare isch, to ware als klaani Eiszäpfle traa ghängt. Un wens tat hot, no hot´s am Dachtraaf großi

Eiszapfe gewe, die hemr abbroche un gschluzlt, damals hot mr des noch kenne, to war d´Luft noch sauwr, nit wie heint.

 

Amol isch a Fliegr uf dr Kloschterwies rundr gange, to isch alles grent, mir Kindr aa. Warum der rundr isch, simr nit

inne waare, s´muß 1931 oder 32 gewest sei, damols war´s jo was großes "a Fliegr uf dr Kloschtrwies". Ich kann

mich erinnre uf a Mann mit hochi Gamaschn un anr Kapp mit Schnalle. Mir wars ganz ängschtlich var dem Fliegr.

Die Kloschtrwies isch a Stick Feld hindr dr Gäärte ufm Marikplatz. Un to sin schun alweil die was sthele hen welle,

hinde rei kumme. Die Großvatre hen des alweil frzelt und des isch bis heint so bliewe. Wen die Kindr schlimm wahre,

hen sie gsagt: "Wart ner, dr Logosch kummt". Mir hen amol beis Amse Ev hinde im Hof "Rawrlies" gspilt un so alweil

"dr Logosch kumt, dr Logosch kumt", bis mr schun stark Engschte khat hen, no hemr uf´t Gass renne welle, alli uf

amol Hals iwr Kopf am Gangterli naus. Awr no sim´r gfloge, daß die Knie blud hen.

Mir hen scheen spiele kenne an dr Mostung. Des Krotte Konzert alli Owed, des hot afach drzu ghert. Mir hen

als dr Krotte hinde noo gmacht, tes hemr aa kenne. Ja un manchmol, wens gregnt hot, sin tausendi Krettle rum

khupst un die viele Laabfreschle. Wen die Mostung wenich Wassr ghat hot, des hemr ausgnutzt, so simr bloßfisich

im Dreck rum grent un hen Dreckpatscht un in´d Hand a Patze Dreck gnumme, a Loch nei drukt un grufe

"Tschlai, Tschali gluck, gluck, gluck, isch dr Kukruz zeidich" un dr Dreck auf´d Erd ghaut. Die Buwe hans gut kenne,

to hots als knalt.

Des Blosfisichi war taalmol nit so gut. Iwrhaabt wemr hinde im Hof rumgrent sin, "die Hingslheife", die braune,

die ware schlimm. Wen to mit dr Zeche druf kumme bisch, wars schenschti Gschpiel am End, to hot mr ner noch

 Wassr braucht. Die viele Dern was to rum glege sin fun dene viele Agaaze Bääm odr in dr Mostung in a Scherwe trette

 odr gstolbrt, daß dr großi Zeche blut hot! Mir hen ka Tetanus Spritz grigt.

No die schene Streiß, allrhand farchi, die viele Pipatsche un Fruchtnegili un Atich Steck am Grawe, no Klette, mit dene

 hemr die  schenschte Puppestuwe gmacht. Manchmol hemr sie a schun in dr haar khat. No des Pickgras, wen des dirr

 war, sind d´Strimpf un´s Gwand vol pickt bis nuf mit dem Wese. Die viele Arte Dischtl, die heint vom Aussterwe

 bedroht sin, des war damols a Lascht far die Erwaksene un far uns Kindr. Mir getenkts wie als die Leit Dischtl gstoche

 hen, manchmol hots viel gewe in dr Frucht.

An dr Bittäg isch t´Prozesjon ufs Feld gange, die Kindr, die Minischtrande, dr Pfarr un aldi Leit. Jungi ware wenich,

die hen ka zeit khat, no hot dr Pfarr dr Hotr gsegnt un scheeni Liedr hot mr gsunge, no ischmr widr int Kirich gange.

To gibt´s noch viel Sach un Plätz wu mr ufschreiwe kent. Ich will nit, daß eich langweilich wert, drum heer

ich jetzt uff.

Adje

 

 

zurück