(Vorgetragen beim Batscher Treffen in Sindelfingen im Mai 2001) |
(Der Batscher Markt)
vun dr Holzschuh Kadi
|
Na Leit, krechtle eich mol jez laafe mr iwr tr Marik! Mir war dr Marik arich scheen, to war ka Schuhl, tes war noch schenr. Dr Marik war 4 mol im Jahr: am 10.März, 10. Mai, 8. September, 24. Oktowr. Sundags war klanr Marik und montags dr grosi. Mir hen ufm Marikplatz gwont, un so ware mir Kinder alweil drbei vun Afang bis ans End. Ufm klana Marik, "dr Kinder Marik", to hots nerr Zuckr gewe: Mackzuckr, Grießzuckr un dr gudi Nussezuckr, Krumbierezuckr, Pendlzuckr, Kalichzuckr, to hot´s jo zwajerlei gewe, dr feschtri und dr schmierichi, zigichi. Na tes war was, ha tr reinschti Muckepickri. Die Marikwäge sin a so gschtad bei kumme un hen ihre Tschadre ufgschlage. Die Wirtshaustschadre sin a schun ufgselt ware, so isch´s zugange bis int Nacht nei. Na, no Owets hemr schlofe geh solle, tes isch jo garnit gange, so wie mir uffpulfert waare. Mir ware froh, wie in dr Fruh die Klopferei to draus wiedr losgange isch, aaaawr no simr naus grent un hen ball nit abwarte kenne, bis die Gazso Aplon endlich kumme isch, die hot jo dr beschti Zuckr ghat. Tschokoladi hemr garnit so gern gesse odr warer zu teier? Ich waas nit, ich kann mich nimmi erinnre. Ab un zu hotmr als a Ripp kaaft, awr so gut wi ter heint warer nit. S´hot awr a viel andri
Sache gewe, un so stark viel Leit. Un mir Fraze iwral farne traa. To ware
Selentschr Schlawacke mitm
Tischtuch iwr tr Schultr un ´s Boogkerwl mit Pipili, Gänsle odr Kätschle trin
zum frkafe. Mei Kumrad, meischtens s´Wischte Kadi un ich, mir sin um Marik rumgstolbrt, aaa ware mir als soo mied, awr Haam gange simr doch nitt, in alli Tschdre hemr nei gschaat, aa int Wirtshaustschadre hemr kiklt. S´ware 3 großi und 2 kleneri. Links die groß hot s´Gawrele Pfedrfettr ghert un to hots praschlt un gschmeckt iwr dr ganzi Marikplatz, "tr Ziganpecen", sauri Paprich un Umarge trzu. To hots alles gewe: Bier, Wei, Schnaps un Muuusich so laut. Ja un was maane Ihr, wer noch to war, haa tr Tuttaschplosr, der hot seins gmacht, tes war so a großi Kumedi uf dem Marik, das mr sei ajgenes Wart nit frstande hot. Ja, un noch aan derf ich nit frgesse, tr Robe mit seim Bauchkäschtl, to war a Vásár trin, vum Kambl, Haarspängle, Strumpfbändlgummi, Wäschzwickr, Zwirn, Nodl, Knepfle, Druckerli, Reißnegili, blechene Laabfreschle un Kilrli zum blose, tr Zentimetr, Hoseträger, un Hoserieme, Schurzbändl, die hotr hieghenkt, das s´ner so rumpamblt isch un noch viel so klanes Wese un dr Hulackr a noch un Reibpfelzl, Muckepickr un Figerringili um 1 Dinar, gel Resi? Am Septembr Marik sint Boschnjake mit Wäge voll Kwetsche kumme, die ware so stark sieß, wemr Pekmes kocht hot, hotmer ka Krimili Zuckr braucht. No hots awr Boschnjake kewe, die hen Zuckr frkaaft: a Fetze Kutze uft Erd, Papier druff uno tr Zuckr: Seidezuckr, Himbeerzuckr, Stänglzuckr mit Straafe trin, Beerezuckr, Krumbierezuckr, Kalichzuckr. No hen sie als grufe: "Haide zéne kod mene, deset za dinar, dwadeset za Dinar". To war jo so a großr Staab, die viele Mensche un tr Zuckr mitte drinn uff tr Erd. Un hindr dr Wirtshaustschadre war dr Viechmarik, to simr awr nit hindri gange, to ware zuviel Roßpfuttle un Kiehpflattre, to ware t´Roß, Kieh, Sau, Wuzle, Schoof un Gfliegl, alles hotmer kaafe kenne. Wen dr kaaf zustand kumme isch, sin sie glei Aldomasch tringe gange, was sich als lang naus zoge hot un als wajchi Knie gewe hot. So um 1 Uhr rum hot
sich dr Marik vrloffe, no hots widr klopft und klepprt bis widr alles uf tr
Wäge Un wens lang nit gregnt hot, no isch tr Dodole kumme, ti hen al gsunge "Dodole daj mi kisa Dodole" Un tr Sladoledar, un s´Fodballspiel, des war als a Kumedi: "Gol, Gol, Gol, Penal, Penal,Penal, Hends, Hends". Ich hab alweil denkt, warum rufe den die alweil "Hends", der haast doch "Hans", drweil war des Englisch, awr das mir a noch Englisch kenne, hemr garnit gwist. Ja, so isch´s zuange ufm Marikplatz. Tes isch awr noch lang nit alles, awr ich muß jez ufhere, Ihr were jo schon Hungr hawe, gell?
Also ich bin t´Holzschuh Eichinger Manz Kadi jet kenne mich sicher alli, Adje!
|
|